ოკუპანტებმა ჯუმბერ ფსიტიძე გაათავისუფლეს

გამყოფი ხაზის მიმდებარე სოფელ ახალუბანში, ხანდაზმული მამაკაცი, ჯუმბერ ფსიტიძე რუსმა სამხედროებმა დააკავეს.

2-საათიანი დაკავების შემდეგ, მამაკაცი საოკუპაციო ძალების წარმომადგენლებმა გაათავისუფლეს. დაკავებულის ძმა, გივი ფსიტიძე ამბობს, რომ შემთხვევის დროს, მინდორში სულ 3 პირი იმყოფებოდა:

,,ორმა გაქცევა მოასწრო, ჩემი ძმა შერჩათ ხელთ. 60 წელს გადაცილებულია. დაახლოებით ორი საათის განმავლობაში არ ვიცოდით, სად წაიყვანეს, შემდეგ გამოჩნდა და გვითხრა, რომ გაათავისუფლეს.” – ამბობს დაკავებულის ძმა.

ამჟამად, ჯუმბერ ფსიტიძე სამედიცინო დაწესებულებაშია და კორონავირუსის პრევენციის მიზნით, მისგან სინჯებს იღებენ.

მთავარ ფოტოზე: გივი ფსიტიძე.

ფოტოები: qartli.ge