ამერიკის შეერთებული შტატების პრეზიდენტმა დონალდ ტრამპმა ყველა სახის მექსიკურ პროდუქტზე ტარიფები დააწესა. როგორც მან ,,ტვიტერის” გვერდზე დაწერა, 5 პროცენტიანი ტარიფები 10 ივნისიდან დაწესდება და მანამ გაიზრდება, სანამ არალეგალური იმიგრაციის პრობლემა არ მოგვარდება.
თეთრი სახლის ინფორმაციით, 1 ოქტომბრისთვის, ტარიფები 25 პროცენტს მიაღწევს და ამ ნიშნულზე დარჩება მანამ, ვიდრე მექსიკის საზღვრიდან ამერიკაში არალეგალი მიგრანტები გადასვლას არ შეწყვეტენ.
